متهيألي إن فكرة المؤسسية في مصر واخدة شكل اعتباري و خلاص.. النظام/الدولة/الكيانات/الهيئات/الجماعات .. أي حاجة من دول عبارة عن تجمع هلامي لشوبة حاجات فوق بعض.. دون أي تنظيم أو حد أدنى من الكفاءة..
كل مرة بفتكر مواقف صغيرة بتأكد المفهوم بشكل كبير و تساعدني على تطويره بشكل ما..
مثلاََ موضوع أبلة فاهيتا المسخرة.. أكيد بدأ من عند مكتب موظف أخلى مسئوليته بنقلها للي بعده أو جاء له تليفون من حد مهم علشان يخلص بسرعة و هكذا أخذ الأمر دورته الروتينية في دواليب الدولة اللي أكلها السوس أصلا.. لحد ما وصلنا للفضيحة اللي بجلال دي .. صحف العالم كلها تقريباََ نشرت الموضوع كدليل ممتاز على تطور الدولة المصرية من مرحلة البله لمرحلة العته..
و لو اتبعنا نظرية المؤامرة و إن كل دا مقصود و مدبر من جهاز المخابرات العظيم المشغول بتفريغ تسجيلات المواطنين هتبقى اتنيلت اكتر..
رحلة الدواليب المسوسة = #فضيحة_تفاهة_إسفاف
خد مثلاََ موضوع بيانات الأخوان أو نشر صورة بطاطس بأربع صوابع كدليل إلهي ضد الانقلاب.. مؤكد إن هناك عاقلين ضد الموضوع الأهبل ده.. لكن هناك شخص ما يملك كلمة السر كأدمن و رزع الإفيه دا ليجوب فضاء الوطن و الكواكب الأخرى.. طبعا الإعلان الدستوري غني عن البيان .. لا أحد يعرف الجهبذ الذي كتبه لحد الآن..
رحلة الدواليب المسوسة هنا ثمنها #انقلاب_و_بلاوي_أخرى
بفتكر جملة في حوار السيسي المسرب لما اتكلم عن مذبحة الحرس.. و قال إن الخسائر فعلا كانت كبيرة و حبة كلام إنشاء كده.. ثم قال لكن جهات تسببت في عدد القتلى الكبير و مش عايز أقول هي.... علشان ما نجيبش مشاكل و يقولك السيسي عمل.... (شوية برطمة هنا)..
هنا رحلة الدولايب المسوسة = #إجرام
في مسلسل رأفت الهجان .. الرجل بعت رسالة مشفرة بموعد غارة 67 و فضل يسمع الأخبار في تل أبيب من صوت العرب بانشكاح كامل و شعوره بالزهو عالي.. و حين تبينت الحقائق ..و سأل رجالة المخابرات.. أنا بعت لكم رسالة بميعاد الحرب راحت فين.. ما خدتوش بيها ليه؟ .. الرجالة طيبوا خاطره و شربوه عصير و لحد الآن لا نعرف رسالته راحت فين..؟!
رحلة الدولايب المسوسة هنا كان ثمنها #هزيمة
دي حكايات متكررة بإسفاف يجعل المرء يشك بشدة في وجود كيان ما محدد أصلاََ في مصر سواء كان في الدولة أو معارضيها .. و مش في السياسة فقط.. يعني مثلا كمية الاتفاقات اللي عملناها مع شركات أجنبية و بندفع فيها لحد الآن سواء بأقساط أو غرامات تحكيم دولي.. مجموعة فاسدين مضوها ثم ألصقوها بالكيان الهلامي للبيروقراطية المصرية... و هلم جرا #سفه
ممكن يكون الموضوع راجع لحاجات كتير أولها عدم القدرة فعلا على العمل في كيان جماعي.. هناك متلازمة قبيحة تتمثل في رغبة دائمة في الفردية و الظهور حتى و لو لمجرد الفرقعة و خلاص .. الفساد الكبير .. المحسوبية في كل القطاعات .. عدم الشعور بالمسئولية الجماعية.. الطرمخة و الفهلوة و انجز و اجري .. و أنا مالي دي بلد أبوهم .. عبد المأمور .. ما حدش واخد باله.. شخبطة سعادتك أوامر .. لا تجادل و لا تناقش يا أخ علي.. أخونا و غلط .. نعوضها المرة الجاية .. نحاسب اللي نقدر عليهم فقط .. التعليم اللي مش تعليم .. من يصرخ أعلى يكسب..عامل المزلقان هو السبب.. تركيب شبكة واي فاي في الأتوبيس لكن الأتوبيس مش متوفر أصلاََ.. إعلام شغلته الإسفاف.. أمن شغلته البلطجه.. ناس لقمة العيش مدوخاها.. فرص أقل في الحياة أو حتى في التنفس.. بلطجة عامة في السلوكيات.. و أشياء أخرى كثيرة.. و لله الأمر
https://www.facebook.com/terkawi/posts/10201884926939431
كل مرة بفتكر مواقف صغيرة بتأكد المفهوم بشكل كبير و تساعدني على تطويره بشكل ما..
مثلاََ موضوع أبلة فاهيتا المسخرة.. أكيد بدأ من عند مكتب موظف أخلى مسئوليته بنقلها للي بعده أو جاء له تليفون من حد مهم علشان يخلص بسرعة و هكذا أخذ الأمر دورته الروتينية في دواليب الدولة اللي أكلها السوس أصلا.. لحد ما وصلنا للفضيحة اللي بجلال دي .. صحف العالم كلها تقريباََ نشرت الموضوع كدليل ممتاز على تطور الدولة المصرية من مرحلة البله لمرحلة العته..
و لو اتبعنا نظرية المؤامرة و إن كل دا مقصود و مدبر من جهاز المخابرات العظيم المشغول بتفريغ تسجيلات المواطنين هتبقى اتنيلت اكتر..
رحلة الدواليب المسوسة = #فضيحة_تفاهة_إسفاف
خد مثلاََ موضوع بيانات الأخوان أو نشر صورة بطاطس بأربع صوابع كدليل إلهي ضد الانقلاب.. مؤكد إن هناك عاقلين ضد الموضوع الأهبل ده.. لكن هناك شخص ما يملك كلمة السر كأدمن و رزع الإفيه دا ليجوب فضاء الوطن و الكواكب الأخرى.. طبعا الإعلان الدستوري غني عن البيان .. لا أحد يعرف الجهبذ الذي كتبه لحد الآن..
رحلة الدواليب المسوسة هنا ثمنها #انقلاب_و_بلاوي_أخرى
بفتكر جملة في حوار السيسي المسرب لما اتكلم عن مذبحة الحرس.. و قال إن الخسائر فعلا كانت كبيرة و حبة كلام إنشاء كده.. ثم قال لكن جهات تسببت في عدد القتلى الكبير و مش عايز أقول هي.... علشان ما نجيبش مشاكل و يقولك السيسي عمل.... (شوية برطمة هنا)..
هنا رحلة الدولايب المسوسة = #إجرام
في مسلسل رأفت الهجان .. الرجل بعت رسالة مشفرة بموعد غارة 67 و فضل يسمع الأخبار في تل أبيب من صوت العرب بانشكاح كامل و شعوره بالزهو عالي.. و حين تبينت الحقائق ..و سأل رجالة المخابرات.. أنا بعت لكم رسالة بميعاد الحرب راحت فين.. ما خدتوش بيها ليه؟ .. الرجالة طيبوا خاطره و شربوه عصير و لحد الآن لا نعرف رسالته راحت فين..؟!
رحلة الدولايب المسوسة هنا كان ثمنها #هزيمة
دي حكايات متكررة بإسفاف يجعل المرء يشك بشدة في وجود كيان ما محدد أصلاََ في مصر سواء كان في الدولة أو معارضيها .. و مش في السياسة فقط.. يعني مثلا كمية الاتفاقات اللي عملناها مع شركات أجنبية و بندفع فيها لحد الآن سواء بأقساط أو غرامات تحكيم دولي.. مجموعة فاسدين مضوها ثم ألصقوها بالكيان الهلامي للبيروقراطية المصرية... و هلم جرا #سفه
ممكن يكون الموضوع راجع لحاجات كتير أولها عدم القدرة فعلا على العمل في كيان جماعي.. هناك متلازمة قبيحة تتمثل في رغبة دائمة في الفردية و الظهور حتى و لو لمجرد الفرقعة و خلاص .. الفساد الكبير .. المحسوبية في كل القطاعات .. عدم الشعور بالمسئولية الجماعية.. الطرمخة و الفهلوة و انجز و اجري .. و أنا مالي دي بلد أبوهم .. عبد المأمور .. ما حدش واخد باله.. شخبطة سعادتك أوامر .. لا تجادل و لا تناقش يا أخ علي.. أخونا و غلط .. نعوضها المرة الجاية .. نحاسب اللي نقدر عليهم فقط .. التعليم اللي مش تعليم .. من يصرخ أعلى يكسب..عامل المزلقان هو السبب.. تركيب شبكة واي فاي في الأتوبيس لكن الأتوبيس مش متوفر أصلاََ.. إعلام شغلته الإسفاف.. أمن شغلته البلطجه.. ناس لقمة العيش مدوخاها.. فرص أقل في الحياة أو حتى في التنفس.. بلطجة عامة في السلوكيات.. و أشياء أخرى كثيرة.. و لله الأمر
https://www.facebook.com/terkawi/posts/10201884926939431
ليست هناك تعليقات:
إرسال تعليق