لسه قاري تفريغ التسجيلات لحوار #مبارك .. سهرني ابن اللذين .. بس حكاياته عاملة زي حكايات قبل النوم .. قعدة مسطبة و كل المسائل تتحل في قعدة أنس مع زيناوي و نتنياهو و هبشة في أوباما ..
و عن الشعب اللي مش لاقي بيض فممكن ياكل بطاطس .. و الملوخية في قزايز .. هلما كبيرة و حكايات طويلة .. و خليهم بتسلوا.. و اتسليت فعلا قبل النوم
الحوار على مراحل مختلفة بدءا قبل و بعد 30 يونيو
ممكن يكون مقصود جدا من الحوار التعاطف مع مبارك .. و هتضبط نفسك أحيانا بتعملها .. و ممكن ما يكونش فيه حوار أصلا لأني لم أجد التسجيل الصوتي ..
عموما المصدر اليوم السابع
عموما الملحوظة العامة من الحوار .. هو الافتقار لأي خيال .. أو هو قدرات مبارك الإبداعية المحدودة كموظف عمومي اللي جابت الواقع في مصر الأرض .. هذه هي الجريمة الأساسية التي لن ينساها له التاريخ .. و دا تقييم سياسي ما لوش دعوة بأي تعاطف إنساني ..
مقتطفات:
يتحدث مبارك: «آه الدنيا هتهدى.. دول لو اتلموا الموضوع هيخلص.. حبيب العادلى كان بيعتقل 2000 واحد ويلم الدنيا».. يتدخل الطبيب: «أنا فى تصورى حبيب العادلى لو طلع..».. قبل أن يكمل الدكتور الجملة قال مبارك: «يطلع بس 3 أيام وهيخلص الدنيا».. فيكمل الطبيب الجملة: «أنا قولت لحبيب بيه الناس عايزين حضرتك بس أسبوعين تلملهم الدنيا فرد عليا: قالى ده كان زمان هما فاكرنى مغفل؟»..
من Hossam Bahgat
أخطر مقطع استوقفني من تسجيلات مبارك بعد انتهائي من قراءة تفريغ كل ساعات التسجيلات مع الزعيم في المستشفى:
حدثه الطبيب الخاص: «الناس بقت بتشد فى شعرها.. ده البيضة بقت بجنيه».. يرد مبارك فى ذهول: «البيضة بقت بجنيه؟!.. خلاص نأكل سندوتشات بطاطس».. قاطعه الطبيب مرة أخرى: «ده كيلو البطاطس بقى بـ4 جنيه».. فيرد مبارك: «كمان البطاطس بقت بـ4 جنيه؟!».. يجيب الدكتور: «أنا ليا واحد مأجر الأرض بتاعتى فى البلد جابلى شيكارة بطاطس من المحصول.. قولت كويس أهيه تنفع البيت لحد شهر رمضان».. رد مبارك: «البطاطس كويس بس فى رمضان هتاكل إيه مش ع طول».. أجاب الطبيب: «أصلى البامية والملوخية بتوع الصيف إحنا ربنا سترها معانا بالحاجات البسيطة دى الملوخية والجرجير والبامية.. إنت عارف ياريس إن ليا واحد صاحبى قالى إن اليابان عامله الملوخية دى مشروب «كان» مياه غازية تحط «الكوين»- العملة المعدنية - تطلعلك قزازة كانز».. رد مبارك: «ده أيامى أنا.. جيه يوسف والى - وزير الزراعة الأسبق- قالى اليابانيين طالبين طن ملوخية.. قولتله ليه؟!.. قالى عملوا عليها تحاليل ودراسات لقيوا إنها بتمنع أمراض كتير.. ده مفيش أحسن من الملوخية الناس كلها تزرعها تحت البيت وتاكل منها»
الحوار كاملا
http://www1.youm7.com/News.asp?NewsID=1258800&SecID=12&IssueID=0
<div id="fb-root"></div> <script>(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "//connect.facebook.net/en_US/all.js#xfbml=1"; fjs.parentNode.insertBefore(js, fjs); }(document, 'script', 'facebook-jssdk'));</script>
<div class="fb-post" data-href="https://www.facebook.com/terkawi/posts/10201197014062039" data-width="550"><div class="fb-xfbml-parse-ignore"><a href="https://www.facebook.com/terkawi/posts/10201197014062039">Post</a> by <a href="https://www.facebook.com/terkawi">Abdou Alterkawi</a>.</div></div>
