الحرامية في كل مكان لكن حتى دول بيتأثروا بالمكان اللي نشأوا فيه ، تقريبا يعني..
بفتكر حكاية مدهشة حكاها صديقي عن زميله طالب الدكتوراة البرليني اللي اتسرق اللاب توب منه و هو بيكتب بحثه في نهاية مشوار الدكتوراة و كانت مصيبة لأن الداتا و البحث عليه و كان معناه ضياع تعب سنين.. و يصحى الصبح يلاقي طرد بريدي معاه هارد ديسك و رسالة مكتوبة: اخدت اللاب توب و شفت عليه رسالة الدكتوراة بتاعتك فحبيت أرجع الهارد ديسك علشان تعرف تكملها :)
الرجل طار من الفرحة و كانت نيته لو لقى الحرامي المثقف ده فلازم يهديه لاب توب جديد..
حتى الحرامية ممكن يكونوا مختلفين
و فيه حرامي بيسرق لاب توب و فاهم شغله..
و حرامية بسرقوا بلاد بما فيها و يا ريتهم فاهمين حاجه في شغلهم..
حتى البلاوي إن تعددت نالنا منها البلاء الأكبر و لله الأمر
via Tumblr http://ift.tt/12ZHWMx
ليست هناك تعليقات:
إرسال تعليق