ذكرى اليوم دا و توابعه هيفضل تجسيد لواحد من أكثر أوقات التاريخ الإنساني غباوة.. التحالف المقدس بين الشرق و الفرب لدحر العدو الأحمر و استقبال ريجان للأبطال في البيت الأبيض و الأبطال يتقاتلوا في حرب كاسحة لحصد الغنائم، و الهدية ترجع للأمريكان قنبلة طائرة .. لسه فاكر اللحظات المهولة كنا في وداع ابن خالتي بنشوي ذرة في الجنينة و زوج خالتي يناديني تعال شوف و cnn تنقل مباشر مشاهد الانفجار المهول و الكل يده على قلبه حزنا أو رعبا مما هو قادم.. و بوش باسم الرب يدمر بلدين على رأس من فيها كأنه كان مستني و يتفتت العالم و يصل مستوى الجنون لحد التشبع و الأنظمة البوليسية تنهال على رأس الجميع بمطرقة الإرهاب و الأمن فوق الحرية و العدالة و القيم.. و غباوة العالم تفرز بدل القاعدة قواعد و اليمين يصعد في العالم من أقصاه لأقصاه و الانكفاء يغزو الجميع و نتحول جميعا لرهائن في مواجهة الجنون بالجنون..
في أول كورس في جوتنجن جاء أستاذي الألماني بحزمة كتب بتشكك في الرواية الأمريكية و يقول مش هو اللي عملها .. و أقول مش فارقة، هي اتطربقت علينا كلنا و خلاص..سواء ابن لادن أو بوش الاتنين وجهين لعملة جنون واحدة.. افتكر بس إن المجانين مفيش لأهلهم ملة..
via Tumblr http://ift.tt/1rOFJbj
ليست هناك تعليقات:
إرسال تعليق