الميدان و ألعابه النارية و أخوك المعتصم دفاعا عن رئيسه !!

العالم ينقل احتفالات ‫#‏الميدان‬ و ألعابه النارية (دا حقهم) و على الأرض تباشبر الأحكام العرفية (دا جرمكم) .. 

انتهت مشاكل الكهرباء و البنزين
الإمارات و السعودية باعتة بالمليارات
انقلبت و ضبطت .. 

طيب ليه ؟!
إغلاق القنوات و إيقاف بث و القبض على صحفيين و قيادات ‫#‏الإخوان‬ .. و ‫#‏الكتاتني‬ تدعوه للحوار عصرا لتعتقله ليلا!! و بأي جريمة تعتقل السياسي؟!
و التعتيم على الوضع على الأرض و اعتصامات الشباب .. هل هي البداية .. ماذا سيكون الحصاد مع الآف الشباب الناقم على ما آل إليه الأمر في البلد و في جماعته !!
هل هذا هو طريق الأمل؟ هل هي وعود السيسي بعدم إقصاء الجميع !! 
حصادكم لكم .. لكن ما هو حصاد الانقسام و بث الكراهية في جيل جديد !!

هتعملوا إيه مع نقمة جيل ناقم الآن على كل حاجة .. المفروض ينتقل لخانة البداية من جديد 
هل سجن مرسي صحفي و لا اعتقل معارضيه أو قفل قنوات ؟!
هل دا المستقبل الجديد؟!
معاك نص الشعب .. ليه تقتل أمل النص التاني

لما يكون ده رأيه و كله أمل في بكرة
Mohamed Essa
والله هنشلكم من الغيظ هندخل الانتخابات المبكرة بتاعتكوا دي ونكسب بردة وبالدكتور مرسي
(بتصرف بعد إذن محمد)

ليه تتقله للمربع ده بسرعة؟!
Ehab Hasan
والله لو فتحتو قلوبنا مش هتلاقو غير غل وسواد 
منكم لله قتلتوا احلامنا 
كلكم منكم لله
(باختصار من بوست إيهاب اللي دايما مليانة أمل و سخرية)

الحرية اكتساب مش منحة .. و واجب لكل الناس مش حصة تموين توزعها بمزاجك!!
عارف إنها نغمة خارج مهرجان الألعاب النارية لكن ..
تاني يا صديقي رفيق الميدان الشامت:
دفاعك عن أخوك المصري المعتصم زيك مش موقف سياسي دا واجب وطني و أخلاقي و إنساني و ديني كمان
أكيد لك أخ أو صديق أو حتى مجرد وجه مصري قابلته يوم و اتكلمت معاه و أكلتم مع بعض و هو معتصم الآن أمام الجامعة أو في رابعة
اختلف معاه سياسيا بلا انتهاء شوف موقفه غلط .. لكن واجبك أن تدافع عن حقه في الوجود و في التعبير عن رأيه بسلمية زيك و أكثر
افتكر لما كنتم في ميدان واحد
افتكر يوم موقعة الجمل لمّا وطنيتك خذلتك فدافع عن وجوده و وجودك و عن ثورتنا بعقيدة و استبسال 
فاكر دموع أسد التحرير النقيب ماجد بولس و هو مش قادر يدافع عنك و الجِمال تعيث في الميدان .. دقق في الصورة هتلاقي كم شاب إخواني و سلفي تقدموا للدفاع عن النساء و الأطفال و عنك!!
شوف خروجه غلط .. شوفه في الميدان الغلط .. لكن لما تلاقي الاعتداء عليه مبرر و الشماته في كلامك باينه و تلاقي أسبابك هتكون جاهزة .. اعرف إنك بلا وزن حقيقي في ميزان البشر!!
دا مش كلام عاطفي .. دي بديهيات أساسية في عالم الإنسانية 
دفاعك عن أخوك المصري و تأمينه جبر و واجب .. مش اختيار

http://www.facebook.com/terkawi/posts/10200701437952946